كورس مهارات التواصل | كورس مهارات التواصل الفعال
السلام عليكم ورحمة الله وبركاتة اللهم صل وسلم وبارك على سيدنا محمد وعلى أله وصحبة وسلم
موضوع انهاردة غاية فالاهمية ولا غنى عنه كمهارة أساسية لابد ان تتوافر فينا كلنا
فأى حد انهاردة عاوز يكون فعال فالمجتمع او يكون فعال في شغلة وله تأثير ويعرف يظهر قدراته والحاجات اللى بتدور ف دماغة او الفرص للى نفسة يمسك فيها بأيدية وسنانة لما تيجى والاهم من كل ده يكون جاهز ليها يبقي الكورس ده بأختصار شديد يهمة وهيستفاد كتير جدا بفضل الله لما يتابعه ويطبق اللى فية على نفسة هيلاقي مهارة التواصل عندة اختلفت 180 درجة باذن الله
فموضوع الكورس بتاعنا عن مهارة التواصل الفعال
هيجى حد يقولى ياعمى احنا كدة كدة بنعرف نتواصل واحنا كشعب مصرى اجتماعيين بطبعنا ودمنا خفيف ...ألخ
هرد علية وأقوله مش كل حاجه بالفهلولة في حاجات ليها أسس علمية منظمة لو اخدنا بالنا منها وطبقناها وهى بسيطة اصلا بس نتائجها بتخلى الدنيا تختلف معانا خالص وده هيبان أثرة على كل حد :
- مش عارف يتواصل مع اهلة فالبيت ورأية مهمش
- مش عارف يتواصل مع أصحابة وديما قاعد ساكت لانه خايف يشارك فالحديث
- مش عارف يتواصل مع الناس للى حوالية بالتالى دايرة علاقاتة صغيرة جدا ومحدودة بالتالى فرص عملة أقل
- مش عارف يتواصل مع مديره فالشغل
- مش عارف يتواصل مع زملاء العمل
الخلاصة الكورس دة موجهه لكل حد مش عارف يوصل رسالتة اللى جواة للجمهور بتاعة مع اختلاف أشكال وأنماط الجمهور ده وكمان موجهه لكل حد بيبقي قاعد فى أى مكان مبيسمعش كل حاجة بتدور حوالية وبتقع منة حاجات كتيرة جدا وبتكون مهمة احيانا
هنتعلم اى فالكورس ده يا ترى ؟
أقولك ياسيدى محتوى الكورس :
- يعنى اى تواصل ؟
- الحاجات اللى تبعد عنها عشان يكون التواصل بتاعك أنجح ما يكون
- ما هى دائرة التواصل ؟
- فوائد الاتصال الجيد
- انواع وسائل الاتصال
- عوائق الاتصال الجيد
- أزاى تبقي مستمع جيد
- ازاى تتحكم فى لغة جسدك
- واخيرا ازاى تقدر تحسن مهاراتك فى التواصل
ولا تنسونا من صالح دعائكم
